Ерөнхий урсгал
Систем дөрвөн үндсэн хэсгээс бүрдэнэ. Хэсэг бүрийг өөр дүртэй хэрэглэгч хариуцна.
1
БайршилАгуулах, дэлгүүр, харилцагч болон тавиурын бүтцийг бүртгэнэ.2
ЗахиалгаМенежер ямар барааг хэдээр, хаанаас хаашаа хөдөлгөхийг заана.3
ХөдөлгөөнНярав хайрцгаар бүрдүүлж, захиалгатай тулган баталгаажуулна.4
ХэвлэлтRFID чиптэй шошгыг загвараар нь хэвлэж, чип бүрт EPC оноогдоно.
Физик дараалалБодит ажил дээр чип эхэлж хэвлэгдэж бараанд наагддаг. Дараа нь бараа хайрцагт орж, хөдөлгөөнөөр агуулахад орлогодогдоод тавиурт байршина. Гарын авлагын бүлгүүд системийг тохируулах дарааллаар байрласан.
Дүр ба эрх
| Дүр | Гол үүрэг | Цэсэнд харагдах хэсэг |
|---|
| Админ | Байршил, бүтээгдэхүүн, хөдөлгөөний төрөл, хэрэглэгчийг удирдана. Үйл ажиллагааг зөвхөн хянана. | Бүх цэс (үйл ажиллагаанд зөвхөн харах) |
| Менежер | Бүтээгдэхүүн бүртгэнэ, няравт хөдөлгөөний захиалга оруулна. | Хяналтын самбар, Үлдэгдэл, Захиалга, Бүтээгдэхүүн |
| Агуулахын нярав | Хариуцсан байршил дээрээ хөдөлгөөн үүсгэж баталгаажуулна, хайрцаг бүрдүүлнэ, тавиур зохион байгуулна. | Хөдөлгөөн, Захиалга, Хайрцаг, Чип, RFID уншигч, Байршил |
| Нягтлан | Үлдэгдэл, хөдөлгөөнийг хянана. Өөрчлөх эрхгүй. | Зөвхөн харах цэсүүд |
| Хэвлэлтийн ажилтан | Хэвлэлтийн даалгаврыг гүйцэтгэж батална, дахин хэвлэнэ, шошгын загвар тохируулна. | Чип, Чип хэвлэх, Дахин хэвлэлт, Шошгын загвар |
Байршлын хүрээНяравт байршил хуваарилсан бол тэр зөвхөн өөрийн байршлуудын хөдөлгөөн, хайрцаг, үлдэгдлийг харна. Хоёр ба түүнээс дээш байршил хариуцвал хуудасны дээд хэсэгт байршлаар шилжих tab (жишээ нь ST-01 WH-01) гарна.
0Нэвтрэх, хяналтын самбар
Бүх хэрэглэгч ижил нэвтрэх хуудаснаас орно. Цэс нь хэрэглэгчийн дүрээс хамаарч өөр өөр харагдана.
- Хөтөч дээр системийн хаягийг нээнэ.
- Нэвтрэх нэр (и-мэйл) болон Нууц үг-ээ оруулна.
- Дараа дахин нэвтрэхгүй байх бол Санах-ыг чагтална. Чагтлаагүй бол хөтөч хаагдахад систем гарна.
- Нэвтрэх товчийг дарна.
Зураг 0.1. Нэвтрэх хуудас
Нэвтэрсний дараа Хяналтын самбар нээгдэнэ. Самбарт нийт чип, хайрцаг, баталгаажуулах хүлээж буй ноорог хөдөлгөөн, алдагдсан чипийн тоо, сүүлийн 14 хоногийн хөдөлгөөний түүх, чипийн төлөвийн харьцаа, сүүлийн хөдөлгөөнүүд харагдана.
Зураг 0.2. Хяналтын самбар
Шуурхай хайлтДээд буланд байрлах хайлтын талбараас (⌘K / Ctrl K) аль ч хуудас руу шууд шилжиж болно.
1Байршил
Хөдөлгөөн бүр байршлын хооронд бүртгэгдэнэ. Иймээс ажлын эхэнд агуулах, дэлгүүр, харилцагчаа бүртгэж, агуулах дотроо тавиурын бүтцээ зохион байгуулна.
Админ: байршил бүртгэнэНярав: өөрийн байршилд тавиур зохион байгуулна
Байршлын жагсаалт
Лавлах → Байршил цэсэнд бүх байршил код, нэр, төрөл, хаяг, доторх хайрцгийн тоо, төлөвтэйгээ жагсана. Дээд хэсгийн талбараар код, нэрээр хайж, Бүх төрөл жагсаалтаар төрлөөр шүүнэ.
Зураг 1.1. Байршлын жагсаалт. Мөрийн төгсгөлийн ⋯ цэсээр засах, устгах үйлдэл хийнэ.
| Төрөл | Жишээ код | Утга |
|---|
| Агуулах | WH-01 | Бараа хадгалах дотоод цэг |
| Дэлгүүр | ST-01 | Борлуулалтын дотоод цэг |
| Нийлүүлэгч | SUP-01 | Гадаад тал. Худалдан авалтын эх үүсвэр |
| Худалдан авагч | CUS-01 | Гадаад тал. Борлуулалтын хүлээн авагч |
| Дамжин өнгөрөх | — | Замд яваа барааны завсрын цэг |
Байршил нэмэх
- Жагсаалтын баруун дээд буланд байрлах + Байршил нэмэх товчийг дарна.
- Код-ыг давтагдахгүйгээр оруулна (жишээ нь
WH-03).
- Нэр, Төрөл, шаардлагатай бол Хаяг-ийг бөглөнө.
- Хэрэглэж эхлэх бол Идэвхтэй сэлгүүрийг асаалттай үлдээнэ.
- Хадгалах товчийг дарна.
Зураг 1.2. Шинэ агуулах/дэлгүүр бүртгэх цонх
Тавиур зохион байгуулах
Жагсаалтаас байршлын код эсвэл нэр дээр дарахад тухайн байршлын 3D агуулахын зураг нээгдэнэ. Бүтэц нь Рек → Тавиур (мөр) → Нүд (багана) гэсэн шатлалтай. Нүд бүр R01-S01-B01 хэлбэрийн кодтой байна (рек R01, тавиур 1, нүд 1).
- Тавиур зохион байгуулах tab-ыг сонгоно.
- + Рек товчоор рек нэмнэ. Олон рекийг нэг дор үүсгэх бол Түргэн үүсгэх-ийг ашиглана.
- Рекийг сараалжин талбар дээр чирж байрлуулна.
- Рек дээр дарахад баруун талд тохиргоо нээгдэнэ. Код, Тавиур (мөр), Нүд (багана)-ны тоог оруулж, шаардлагатай бол Эргүүлсэн-ийг асаана.
- Хадгалах товчийг дарахад мөр, баганын тоогоор бүх нүд автоматаар үүснэ.
Зураг 1.3. Рек сонгоход баруун талд тохиргоо нээгдэнэ
3D загвар
3D загвар tab дээр рекүүд изометр 3D хэлбэрээр харагдана. Хайрцаг эсвэл чип байгаа нүд өнгөөр ялгарна. Нүд дээр дарахад баруун талд нүдний код, байршлын зам, тухайн нүдэнд байгаа хайрцаг, чипийн тоо гарна. Дэлгэрэнгүй товчоор хайрцгийн хуудас руу шилжинэ.
Чирж эргүүлнэ · нүдэн дээр дарна
Зураг 1.4. R01-S01-B01 нүдэнд BOX-2026-000017 хайрцаг (4 чип) байрлаж байна. Интерактив загвар — чирж эргүүлээд нүдээ сонгоно уу.
RFID уншигчидГурав дахь tab-д тухайн байршилд суурилуулсан RFID уншигчийн нэр, IP:port, сүлжээний төлөв харагдана. Сүлжээ шалгах товчоор холболтыг шалгана.
2Захиалга
Менежер няравт ямар бүтээгдэхүүнийг хэдээр, аль байршлаас аль байршил руу хөдөлгөхийг захиална. Нярав гүйцэтгэхдээ хөдөлгөөний агуулгыг захиалгатай яг тааруулах ёстой.
Менежер: захиалга оруулна, цуцалнаНярав, нягтлан, админ: харна
Захиалгын жагсаалт
Үйл ажиллагаа → Захиалга цэсэнд захиалга бүр дугаар (RQ-2026-000001), хөдөлгөөний төрөл, чиглэл, маршрут, нийт тоо, төлөвтэйгээ харагдана. Байршил, чиглэл, төрөл, төлөвөөр шүүж болно.
Зураг 2.1. Захиалгын жагсаалт. Мөрийн төгсгөлийн ⊘ товчоор хүлээгдэж буй захиалгыг цуцална.
Шинэ захиалга оруулах
- Жагсаалтын баруун дээд буланд байрлах + Захиалга оруулах товчийг дарна.
- Хөдөлгөөний төрөл-өө сонгоно. Жагсаалтад "захиалга шаардана" гэсэн төрлүүд нь заавал захиалгаар гүйцэтгэгддэг.
- Төрлөөс хамаарч Гарах ба/эсвэл Хүрэх байршлыг сонгоно.
- Няравт өгөх нэмэлт заавар байвал Тайлбар-т бичнэ.
- Бүтээгдэхүүн сонгох хэсгээс SKU, баркод, нэр, өнгө эсвэл batch-аар хайж, хэрэгтэй бүтээгдэхүүнээ чагтална.
- Сонгосон мөр бүрийн Тоо баганад тоо ширхгийг оруулна. Доод хэсэгт сонгосон бүтээгдэхүүн болон нийт чипийн тоо гарна.
- Хуудасны доод хэсгийн Захиалга оруулах товчийг дарна. Захиалга Хүлээгдэж буй төлөвтэй үүснэ.
Зураг 2.2. Хөдөлгөөний төрөл сонгох
Зураг 2.3. Жишээ: Дэлгүүрт гаргах, WH-01 → ST-01
Зураг 2.4. Бүтээгдэхүүн чагтлаад тоо оруулна. Доод хэсэгт "1 бүтээгдэхүүн сонгогдсон · нийт 5 чип" гэж гарна.
| Хөдөлгөөний төрөл | Чиглэл | Захиалга |
|---|
| Худалдан авалт | Орлого | Шаардана |
| Буцаалт (орлого) | Орлого | Шаардана |
| Борлуулалт | Зарлага | Шаардана |
| Хасалт | Зарлага | Шаардана |
| Дэлгүүрт гаргах | Дотоод | Шаардана |
| Дотоод шилжилт | Дотоод | Шаардахгүй. Нярав өөрөө үүсгэнэ |
Тохируулж болноХөдөлгөөний төрлүүд болон захиалга шаардах эсэхийг админ Лавлах → Хөдөлгөөний төрөл цэснээс өөрчилнө. Цэс автоматаар шинэчлэгдэнэ.
Захиалгын дэлгэрэнгүй
Жагсаалтаас дугаар дээр дарахад дэлгэрэнгүй нээгдэнэ. Энд төрөл, маршрут, нийт тоо, үүсгэсэн хэрэглэгч, тайлбар, захиалсан бүтээгдэхүүний мөрүүд болон уг захиалгаар үүссэн хөдөлгөөнүүд, тэдгээрийн төлөв харагдана.
Зураг 2.5. RQ-2026-000001 захиалгад MV-2026-000002 ноорог хөдөлгөөн холбогдсон
Засах, цуцлахЗөвхөн Хүлээгдэж буй төлөвтэй захиалгыг засах, цуцлах боломжтой. Цуцлах бол баруун дээд буланд байрлах Цуцлах товчийг дарна.
3Хөдөлгөөн
Бараа байршил хооронд хайрцгаар хөдөлнө. Нярав эхлээд ноорог хөдөлгөөн үүсгэж, хайрцгуудаа нэмээд баталгаажуулна. Баталгаажих үед хайрцаг, чипийн байршил, төлөв шинэчлэгдэнэ.
Нярав: үүсгэнэ, баталгаажуулнаАдмин, нягтлан: харна
Хөдөлгөөний жагсаалт
Зүүн цэсийн Хөдөлгөөн бүлэгт төрөл бүр тусдаа мөрөөр гарна. Сумны тэмдэг нь чиглэлийг заана: ↓ орлого, ↑ зарлага, ⇄ дотоод. Бүх хөдөлгөөн хуудсанд төрөл, төлөвөөр шүүж, дугаар, тайлбараар хайна.
Зураг 3.1. Хөдөлгөөний жагсаалт. Нярав хоёр байршил хариуцдаг тул ST-01 / WH-01 tab гарсан.
| Чиглэл | Гарах байршил | Хүрэх байршил | Баталгаажихад |
|---|
| Орлого | — | Заавал | Хайрцаг хүрэх байршилд очиж, битүүмжлэгдэнэ |
| Зарлага | Заавал | Сонголтоор | Хайрцаг, чип Илгээсэн төлөвтэй болно |
| Дотоод | Заавал | Заавал, гарахаас өөр | Хайрцаг хүрэх байршилд очиж, битүүмжлэгдэнэ |
Хөдөлгөөн үүсгэх
- + Хөдөлгөөн үүсгэх товчийг дарна.
- Төрөл-өө сонгоно.
- Сонгосон төрөл захиалга шаарддаг бол Захиалга талбарт менежерийн оруулсан захиалгыг сонгоно. Энэ үед гарах, хүрэх байршил захиалгаас автоматаар тодорхойлогдох тул тусад нь сонгохгүй.
- Захиалга шаарддаггүй төрөл (жишээ нь Дотоод шилжилт) бол Гарах байршил, Хүрэх байршил-ыг сонгоно.
- Шаардлагатай бол Тайлбар бичээд Үүсгэх товчийг дарна. Хөдөлгөөн Ноорог төлөвтэй үүснэ.
Зураг 3.2. Шинэ хөдөлгөөний цонх
Зураг 3.3. Захиалга шаардах төрөл сонгоход байршлын оронд Захиалга талбар гарна
Хүрээний шалгалтНярав зөвхөн өөрийн хариуцсан байршил дээр хөдөлгөөн хийнэ. Орлого бол хүрэх байршил, зарлага болон дотоод шилжилт бол гарах байршил нь няравын хариуцсан байршил байх ёстой.
Хайрцаг нэмэх, захиалгатай тулгах
Жагсаалтаас дугаар дээр дарахад хөдөлгөөний дэлгэрэнгүй нээгдэнэ.
- Хайрцаг нэмэх хэсэгт байгаа хайрцгаа жагсаалтаас сонгоно. Шинээр бүрдүүлэх бол Шинэ хайрцаг, RFID уншигчаар уншуулах бол Уншуулах товчийг дарна.
- Нэмсэн хайрцгууд доод хүснэгтэд төлөв, чипийн тоотойгоо харагдана. Буруу нэмсэн бол мөрийн төгсгөлийн 🗑 товчоор хасна.
- Захиалга хүснэгт (зүүн) болон Уншуулсан хүснэгтийг (баруун) харьцуулна. Захиалсан тоо уншуулсан тоотой таарсан мөр ногоон, таараагүй мөр улаан өнгөөр тодорно.
Зураг 3.4. Захиалгад Scarf 1 ширхэг байгаа боловч хайрцагт өөр бараа уншигдсан тул мөр улаан байна. Энэ үед баталгаажуулах боломжгүй.
Баталгаажуулах
- Бүх мөр ногоон болсныг шалгана.
- Баруун дээд буланд байрлах ✓ Баталгаажуулах товчийг дарна.
- Систем хайрцгийн тухайн үеийн агуулгыг түүх болгон хадгалж, хайрцаг, чипийн байршил, төлөвийг нэг дор шинэчилнэ.
АнхаарХайрцгийн агуулга захиалгатай зөрвөл систем баталгаажуулахгүй бөгөөд бүтээгдэхүүн тус бүрийн хүлээгдэж буй болон бодит тоог харуулна. Баталгаажсан хөдөлгөөнийг цуцлах боломжгүй. Алдаа гарвал эсрэг чиглэлийн шинэ хөдөлгөөн үүсгэж залруулна. Ноорог хөдөлгөөнийг Цуцлах товчоор цуцалж болно.
Хайрцаг
Үйл ажиллагаа → Хайрцаг цэсэнд бүх хайрцаг код, байршил (тавиурын нүдтэй нь, жишээ нь ST-01 · R01-S01-B01), төлөв, чипийн тоотойгоо харагдана. + Хайрцаг нэмэх товчоор шинэ хайрцаг үүсгэхэд код нь автоматаар оноогдоно. Хайрцгийн дэлгэрэнгүй хуудсанд EPC/TID-аар чип нэмэх, хасах, хайрцгийг битүүмжлэх, дахин нээх, наах шошгыг хэвлэх үйлдлүүд байна.
Зураг 3.5. Хайрцгийн жагсаалт
4Хэвлэлт
RFID чиптэй шошгыг хэвлэж, чип бүрт давтагдашгүй EPC оноох хэсэг. Хэвлэлтийн захиалга орж ирмэгц хэвлэлтийн ажилтан гүйцэтгэнэ.
Хэвлэлтийн ажилтан: гүйцэтгэнэ, дахин хэвлэнэ, загвар тохируулнаАдмин: харна
EPC гэж юу вэ?EPC нь <баркод>-<6 оронтой сери> хэлбэртэй, жишээ нь 8650010506621-000013. Сери нь бүтээгдэхүүн тус бүрээр дараалж өсдөг тул хоёр хэвлэлт зэрэг явсан ч EPC давхардахгүй. TID нь чипийн үйлдвэрийн давтагдашгүй дугаар бөгөөд хэвлэх үед уншигдаж бичигдэнэ.
Хэвлэлтийн дараалал
Үйл ажиллагаа → Чип хэвлэх цэсэнд даалгаврууд төлвөөр tab-д хуваагдана: Хүлээгдэж буй, Хэвлэж байна, Хэвлэгдсэн, Цуцлагдсан. Анх нээхэд Хүлээгдэж буй tab харагдана. Энэ бол хэвлэлтийн ажилтны ажлын дараалал. Мөр бүрд дугаар (PR-2026-000001), төрөл (Захиалга эсвэл Дахин хэвлэлт), чипийн тоо, үүсгэсэн хэрэглэгч харагдана.
Зураг 4.1. Хэвлэгдсэн даалгаврууд
Хэвлэж эхлэх
- Хүлээгдэж буй tab-аас даалгаврын дугаар дээр дарж дэлгэрэнгүйг нээнэ.
- Захиалгын мөрүүд (SKU, нэр, баркод, тоо) болон Хэвлэгдэх чипүүд-ийн жагсаалтыг шалгана.
- ▶ Хэвлэж эхлэх товчийг дарна.
- Нээгдсэн цонхонд Принтерийн IP-г оруулна. Даалгаварт шошгын загвар оноогоогүй бол Шошгын загвар-аа сонгоно.
- Эхлүүлэх товчийг дарна. Систем чип бүрийг принтер рүү дараалан илгээж, шатаасан TID-ийг бичнэ. Явц нь дэлгэц дээр шууд харагдана.
- Бүх чип хэвлэгдмэгц даалгавар Хэвлэгдсэн төлөвтэй болно.
Зураг 4.2. Хэвлэлтийн даалгаврын дэлгэрэнгүй. EPC хуулах товчоор хэвлэгдсэн EPC-үүдийг нэг дор хуулна.
Алдаатай чипХэвлэх үед алдаатай гарсан чипийн TID бичигддэггүй тул тэдгээрийг ашиглах боломжгүй. Ийм чип байвал дэлгэрэнгүй хуудсанд анхааруулга гарч, Дахин хэвлэх (N ширхэг) товч харагдана. Товчийг дарахад алдаатай чипүүд дахин хэвлэлтийн хуудсанд автоматаар сонгогдоно.
ЦуцлахХүлээгдэж буй даалгаврыг Цуцлах товчоор цуцалж болно. Энэ үед хайрцагт ороогүй чипүүд Хүчингүй төлөвтэй болно. Аль нэг чип нь аль хэдийн ашиглагдсан бол цуцлах боломжгүй.
Дахин хэвлэлт
Шошго гэмтэх, алга болох зэрэг тохиолдолд хэвлэлтийн ажилтан захиалга хүлээлгүйгээр шууд хэвлэж болно.
- Дахин хэвлэлт цэсийг нээнэ.
- SKU, баркод, нэр, өнгө, batch-аар хайж хэвлэх бүтээгдэхүүнээ чагтална.
- Мөр бүрийн Тоо-г оруулж, шаардлагатай бол Тайлбар бичнэ.
- Хэвлэх товчийг дарна. Даалгавар Дахин хэвлэлт төрөлтэй үүснэ.
Зураг 4.3. Дахин хэвлэлтийн хуудас
Шинэ EPC үүснэДахин хэвлэхэд хуучин чипийн EPC давтагдахгүй, шинэ сери оноогдоно. Нэг агуулахад ижил EPC-тэй хоёр чип байвал тэдгээрийг ялгах боломжгүй болох тул ингэж зохион бүтээсэн.
Шошгын загвар
Шошгын загвар цэсэнд шошгон дээр юу, хаана хэвлэгдэхийг тохируулна. Жагсаалтад загвар бүр нэр, хэмжээ (мм), элементийн тоо, ашигласан тоо, төлөвтэйгээ харагдана. Мөрийн ⋯ цэснээс Засах, Хуулах, Устгах үйлдлийг хийнэ. Ойролцоо загвар хийх бол байгаа загвараа хуулаад хэмжээг нь өөрчлөх нь хамгийн хялбар.
Зураг 4.4. Шошгын загварын жагсаалт
- Дээд хэсэгт загварын нэр, өргөн × өндөр (мм), Идэвхтэй эсэхийг тохируулна.
- Зүүн талын Элемент нэмэх хэсгээс Текст, Шошго + утга, Баркод, QR, Шугам элемент нэмнэ.
- Элементийг шошгон дээр чирж байрлуулна. Сонгосон элементийн X/Y байрлал, фонт, хэмжээ, жин, утгыг баруун талын самбарт засна. Талбар + товчоор бүтээгдэхүүний талбарыг (үнэ, хэмжээ, өнгө, SKU гэх мэт) утганд оруулна.
- Давхаргууд жагсаалтаас элементийн дарааллыг өөрчилж, нууж, түгжинэ.
- Жишээ өгөгдөл-ийг асаавал шошго бодит жишээ утгатай харагдана. Бодит бараагаар шалгах товчоор урт нэр, том үнэтэй бараан дээр шошго багтаж байгааг шалгана.
- Хадгалах товчийг дарна.
Зураг 4.5. Шошгын загвар засварлагч. Үнийн элемент сонгогдож, баруун талд тохиргоо нь нээгдсэн.
Гарын товчлол←↑→↓ 0.5 мм зөөнө · Shift+сум 1 мм · Delete устгана · Ctrl/⌘ D хуулна · Ctrl/⌘ Z буцаана. Хэмжээг принтерийн dot-оор тооцно (энэ загварт 1 мм = 12 dot).
Төлөвийн тайлбар
Систем даяар ашиглагдах төлөвүүд.
Чип
| Төлөв | Утга |
|---|
| Хэвлэгдсэн | Шошго хэвлэгдсэн, бараанд наагаагүй |
| Наасан | Бараанд наасан, хайрцагт ороогүй |
| Хайрцагт | Хайрцаг дотор байгаа |
| Тавиурт | Хайрцаггүйгээр тавиурын нүдэнд шууд байрлуулсан |
| Илгээсэн | Зарлагаар гарсан |
| Алдагдсан | Олдоогүй |
| Хүчингүй | Цуцлагдсан эсвэл гэмтсэн |
| Хэвлэлтийн алдаа | Хэвлэх үед TID бичигдээгүй |
Захиалга · Хөдөлгөөн · Хэвлэлт
| Төлөв | Утга |
|---|
| Хүлээгдэж буй | Захиалга эсвэл хэвлэлт гүйцэтгэгдэхийг хүлээж байна |
| Ноорог | Хөдөлгөөн үүссэн, баталгаажаагүй. Хайрцаг нэмж, хасаж болно |
| Хэвлэж байна | Принтер рүү чип илгээгдэж байна |
| Баталгаажсан / Хэвлэгдсэн | Дууссан. Өөрчлөх боломжгүй |
| Гүйцэтгэсэн | Захиалгын дагуу хөдөлгөөн баталгаажсан |
| Цуцлагдсан | Цуцалсан |
Хайрцаг
| Төлөв | Утга |
|---|
| Нээлттэй | Чип нэмж, хасаж болно |
| Битүүмжилсэн | Хөдөлгөөнөөр байршилд очсон, агуулга түгжигдсэн |
| Илгээсэн | Зарлагаар гарсан |
